Міне, асыға күткен шуақты көктемнің шырайлы мерекесі – әз- Наурыздың табалдырығымыздан аттайтын сәтіне де аз қалды
Халқымыз үшін бұл мейрам – көктем мен жаңаруды айшықтайтын мерейі тасыған ұлы мереке. Бұл күні күн мен түннің теңеліп, қытымыр қыстан аман шыққан барша дүние жадырап, жаңғыруға бет бұрады.
Наурыз – молшылық, құт-береке мерекесі. Бұл мерекені біз наурыз көжесіз елестете алмаймыз. Молшылық болсын деген ниетпен жасалатын бұл тағам – Наурыз тойында әрбір үйде дайындалуы тиіс. Наурыз мерекесі жақындаған сайын осы дәстүрден айнымай, наурыз көже әзірлейтін әже, апа, келіндер арамызда аз емес. Сондай жандардың бірі қарасулық Сымбат Рахимжанова мерекелік дастарханға арнап наурыз көже және басқа да түрлі ұлттық тағамдарды молынан әзірлеп, алдын ала дайындалуды дәстүрге айналдырған.
Сымбат Алпысқызынан Ұлыстың Ұлы күні наурыз көжені қалай әзірлейтінін сұрап білген едік.
-Наурыз көже– ұлттық тағам. Бұл тағамды әркім әртүрлі дайындайды. Көжеге қосылатын дәмнің түрлерінде жекелеген айырмашылықтар бар. Әрине, әркім қолындағы барына қарайды. Алайда, дәмнің саны жетіге жетуі тиіс. Өйткені біздің халқымыз үшін жеті – киелі сан. Қазақ киелілікке аса мән береді. Осыған сәйкес, мен де наурыз көжеге сүр ет пен қазы, су, дәнді дақылдар (бидай, жүгері, тары), құрт, сүт, мейіз, тұз қосамын. Осылайша, наурыз көже әзірлеймін, – дейді кейіпкеріміз.
Сымбат Алпысқызы Ұлыстың Ұлы күні туралы өз ойын айтып, ізгі тілегін білдірген еді.
-Наурыз – жыл басы! Халқымыз бұл мейрамды Ұлыстың ұлы күніне балап, оны жарқын мерекеге айналдырған. Көктен көпке шапағат төгілген Ұлыстың ұлы күні халқымыз бір-біріне деген өкпе-назды ұмытып, татуласып, үлкендердің ақ батасын алып, ізгі тілек тілеген. Ақ ниетпен өткенге салауат айтып, ақ тілекпен әз-Наурызды сән-салтанатымен, думанды тойымен, ән-жырымен қарсы алған. Ұлыстың ұлы күні елімізге, жерімізге құт-береке ала келсін. Ұлыс оң болып, әрбір күніміз шұғылалы көктемдей шуақты болсын, – дейді ол.
Жаңабай АХМЕТОВ
Мероприятие направлено на изучение литературного наследия казахстанских авторов (далее…)
Работники ТОО «Гасыр-Карасу» организовали ознакомительную встречу для обучающихся карасуского образовательного профтехучреждения (далее…)
В программу были включены 42 выезда по карасуским сёлам и районам-соседям (далее…)
Малокомплектные образовательные учреждения обрели статус проектных в начале текущего календарного года (далее…)
В делегацию вошли первые руководители 10 карасуских сельхозпредприятий, занимающихся растениеводством и животноводством (далее…)
Районная прокуратура обеспечила возврат денежных средств, выплаченных в рамках государственных закупок (далее…)
This website uses cookies.