Қарасуда «Жасыл ел» жасағы жұмыс істеп, ауыл аумағындағы қоғамдық орындар мен көшелерді көгалдандыру, абаттандыру және тазалық жұмыстарына жұмылдырылып жатыр.
Үш кезеңді қамтитын еңбек жасағы қазір екінші маусымды бастап кеткелі біршама уақыт болды. Ауылды таза әрі көрікті ету жолында еңбек етіп жатқан жастар күн ұзаққа тыным таппай, еңбек көрігін қыздыруда. Маңдай терімен ақша тапқысы келген жастардың еңбекқорлығы, еңбекке деген ниеті мен құлшынысы көңіл көншітерлік.
Сондай жастардың бірі – Иван Жмура. Жазғы демалыста бос отырғаннан, жұмыс істеуді дұрыс деп ойлаған ол «Жасыл ел» жасағының жұмысына бірінші маусымнан бастап кіріскен екен.
Алғашқы маусымнан бастап өзінің еңбек сүйгіштігімен көзге түсе білген Иванды екінші маусымға да қалдырыпты. Негізі, әр маусым сайын еңбек жасағы жаңарып отырады.
Иван Қарасу орта мектебінің түлегі. Бүгінде А.Байтұрсынов атындағы Қостанай мемлекеттік университетінің 2-курс студенті. Болашақта электр-энергетік мамандығы бойынша білім алып шығатын ол «Жасыл ел» бағдарламасы жастар үшін тиімді, әрі пайдалы екенін алға тартады.
– Мемлекет тарапынан қолға алынған «Жасыл ел» бағдарламасын толығымен қолдаймын. Жазғы демалысты босқа өткізбей, еңбек жасағына қосылып, жұмыс істеп, қосымша қаржы табуға мүмкіндік мол. Адал еңбегіңмен пайда тауып, бір жағынан, қоршаған ортаның тазалығына да өз септігіңді тигізесің. Мен бұл жасақта екінші жыл қатарынан жұмыс істеп жатырмын. Жұмысқа әбден төселіп алдық. Күннің ыстығы аз да болсын жайсыздық туғызып тұрғаны болмаса, жұмыс ауыр емес. Оқуыма ноутбук қажет. Тапқан табысымды соған жинап жатырмын, – дейді Иван.
Ауылды көркейту ісінде «жасыл елдіктердің» алар орны орасан зор. Олар ел игілігі үшін ілкімді істің ұйтқысы болуда.
Жаңабай АХМЕТОВ
Суретте: Иван Жмура
Сурет автордікі
Мероприятие направлено на изучение литературного наследия казахстанских авторов (далее…)
Работники ТОО «Гасыр-Карасу» организовали ознакомительную встречу для обучающихся карасуского образовательного профтехучреждения (далее…)
В программу были включены 42 выезда по карасуским сёлам и районам-соседям (далее…)
Малокомплектные образовательные учреждения обрели статус проектных в начале текущего календарного года (далее…)
В делегацию вошли первые руководители 10 карасуских сельхозпредприятий, занимающихся растениеводством и животноводством (далее…)
Районная прокуратура обеспечила возврат денежных средств, выплаченных в рамках государственных закупок (далее…)
This website uses cookies.