Бүгінгі таңда еліміз агроөнеркәсіп кешенін дамытуға айрықша назар аударып отыр
Соның ішінде, мал шаруашылығы өнімдерінің өнімділігі мен сапасын арттыру мақсатында үлкен көлемде іс-шаралар атқарылуда. Бұл ретте, мал шаруашылығын дамытуда ветеринариялық-санитарлық іс-шаралардың белгіленген деңгейде жүзеге асуы аса маңызды. Себебі, мал басын аман сақтау, жұқпалы аурулардың алдын алу үлкен жауапкершілікті талап етеді.
Ауданда ветеринариялық іс-шаралар бекітілген жоспар бойынша жүзеге асуда. Сала мамандарының айтуынша, төрт түлікке еспе егу, қан алу, жұқпалы ауруларды анықтау және алдын алу жұмыстары жүйелі жүргізіліп жатыр. Бұл бағыттағы жұмыстар ағымдағы жылдың наурыз айынан бастап қолға алынған болатын.
Мәселен, жыл басынан бері 17 000 бас ірі қара және 1000 бас шошқа туберкулез дертіне қарсы тексерістен өтіп, екпе егілді. Сондай-ақ жұқпалы маңқа ауруының алдын алу мақсатында 400 бас жылқы тексеріліп, вакцина егілді.
Бұдан бөлек, ветеринариялық-санитарлық қауіпсіздікті қамтамасыз ету мақсатында жыл басынан бері 10 622 бас ірі қарадан қан алынып, бруцеллезге қарсы екпе егілді. 50 бас ірі қарадан бруцеллез ауруы анықталып, осы дертке шалдыққан 23 бас пышаққа ілінді. Сонымен қатар, 6407 бас ұсақ мал бруцеллезге қарсы тексеріліп, вакцина жасалды.
Аудан аумағындағы барлық елді мекендерде ветеринариялық пункттер жұмыс істейді. Олардың барлығы көлікпен, қажетті құрал-жабдық және ветеринарлық препараттармен қамтылған.
Жаңабай АХМЕТОВ
Сурет интернет желісінен алынды
В Шымкенте прошли лично-командные состязания по пулевой стрельбе. (далее…)
В профтехорганизации прошла встреча представителей разных возрастных групп. (далее…)
Қазақстанда жыл сайын 10-қазанда кәсіподақтар күнін атап өтеді. (далее…)
В районе стартовал отопительный сезон. (далее…)
Соревновательное мероприятие стало творческой площадкой, где участники смогли через современные средства видеоконтента рассказать о том,…
Қарасу ауданындағы Павлов орта мектебінің директоры Дәулет Салькенов 20 жылдан астам еңбек өтілі бар…
This website uses cookies.