Қарасу мемлекеттік тілде оқытатын негізгі мектебінде Тәуелсіздіктің 28 жылдығына арналған мерекелік іс-шара өтті. Оған мектептің педагогикалық ұжымы, оқушылар және ата-аналар қатысты.
Шараның басты мақсаты – оқушыларға еліміздің тәуелсіздік алғалы жеткен жетістіктерімен таныстыру, білімдерін кеңейту, Отанды сүюге, ел байлығын қорғауға, болашақ Отанымыз Қазақстанды өркендетуге білімді адамдар керек екенін ұғындыру, бүгінгі тәуелсіздікке қалай қол жеткенін зерделеу, оларды Отаны үшін отқа түсетін ел жанды, ел азаматы етіп тәрбиелеу.
Мерекелік шара Қазақстан Республикасының Әнұраны орындалған соң салтанатты түрде ашылды. Мектеп директоры Айгүл Арғынғазина көпшілік алдына шығып, жиналғандарды айтулы мерекемен құттықтады. Ол өз сөзінде тәуелсіздігіміздің мәңгі болып, ел іргесінің ыдырамауын тіледі.
Бұдан кейін мектеп оқушыларын «Жас Ұлан» және «Жас Қыран» балалар мен жасөспірімдер ұйымдарына қабылдау рәсімі өтті. Бұл шараның басты мақсаты – өскелең жас ұрпақтың танымдық және шығармашылық белсенділігін арттыру, қоғамдық, көпшiлiк жұмыстарға тарту және патриоттыққа баулу.
Аталған «Жас Ұлан» және «Жас Қыран» ұйымдарына қабылданған оқушылардың аты-жөні: Гауһар Зейнел, Айдана Жқмаділова, Бекзат Исмурзиев, Асаналі Ибраев, Тамирлан Абдрахманов, Аслан Дюсембаев, Аруна Есентай, Әділхан Кошеков, Дидар Қуанышев, Әлима Мәлік, Амина Төрехан, Малика Шермағамбетова. Оларға көк байрағымыздың түсіндей галстук, төс белгілер салтанатты жағдайда табыс етілді. Аталмыш ұйымдардың қатарына өткен оқушыларды мектеп ұжымы құттықтап, жылы лебіздерін білдірді. Шараны ұйымдастырушылар «Жас Ұлан», «Жас Қыран» ұйымдарының мән-маңыздылығына тоқталып, оған қабылданған оқушыларға сәттілік тіледі.
Мерекелік шара аясында концерттік бағдарлама ұсынылды. Мектеп оқушылары өз өнерлерін көрсетіп, ән айтып, күй шертіп, би биледі. «Отан», «Тәуелсіздік», «Туған жер» тақырыптарында өлең шумақтарын оқыды.
Ұйымдастырылған шара көрерменнің көңілінен шығып, жақсы көңіл-күймен тарқасты.
Жаңабай АХМЕТОВ
Суреттерде: мерекелік шарадан көріністер
Қарасу ауданының Железнодорожный ауылында 17-ақпанда ек бөлмелі жер үйдің шатырынан өрт шықты. (далее…)
Қыстың қаһары қайтпай тұр. Өткен демалыс күндері жалпы облыс аумағында ауа райы құбылып, жолдар жабылды.…
Казахстанская сборная стала победителем главного турнира UAE SWAT CHALLENGE-2026 в Дубае. (далее…)
Аудан көлеміндегі ауқымды спорт сайысы осымен екінші жыл қатарынан жалауын көтерді. (далее…)
Подвиг 19-летнего Юрия Мельничёнка стал скорбной и почётной частью истории страны. (далее…)
В числе участников увеличивается количество горожан, которые без сожаления становятся селянами. (далее…)
This website uses cookies.