«Өрт – тілсіз жау». Өрттен келер залал көп. Қарапайым қауіпсіздік шаралардың сақталмауынан қаншама өрт шығып, зардап шегіп қалатын тұстарымыз кездесіп жатады
Сондықтан «әттеген-ай» деп сан соққаннан гөрі, өрттің кесірінен келетін қауіп-қатерді болдырмаудың жолын іздеп, алдын алу жұмыстарын жүргізу керек. «Сақтансаң, сақтаймын» дейді емес пе?!
Қостанай облысы көлемінде ағымдағы жылдың 16 ақпаны мен 16 наурыз аралығы өрт қауіпсіздігі айлығы болып жарияланды. Біздің ауданда да «Өрт қауіпсіздігі айлығы» өткізілуде.
Өткен аптада аудан орталығындағы №24 өрт сөндіру бөлімінің аумағында өрт қауіпсіздігі айлығының ашылуы өткізілді. Жиын барысында қатысушыларға өрт қауіпсіздігі айлығын өткізу жоспары, өрт қауіпсіздігі ережелерін және карантин режимін сақтау бойынша нұсқаулар берілді.
Өрт қауіпсіздігі айлығын өткізудегі басты мақсат – өрт қауіпсіздігін сақтау және өрттің шығуына жол бермеу.
-Өрт қауіпсіздігі айлығы аясында төтенше жағдайлар бөлімі Қарасу және Железнодорожный ауылдарының өрт сөндіру бөлімі, полиция бөлімі қызметкерлері, жергілікті атқарушы органдар және еріктілермен бірлесіп, елді мекендерді аралап, тұрғындарға өрт болған жағдайдағы әрекеттер, өрт қауіпсіздігі ережелерін түсіндіру, пеш жағу кезіндегі қауіпсіздік шаралары және газ, электр жүйелерін пайдалану туралы үгіт-насихат жұмыстарын жүргізуде, – дейді аудандық төтенше жағдайлар жөніндегі бөлімі бастығының міндетін атқарушы А. Бабенко.
Сондай-ақ, аудан көлеміндегі білім ошақтарында балалардың тентектігінен болатын өрттердің алдын алу мақсатында өртке қарсы кешенді шаралар өткізілуде. Халық арасында өрт қауіпсіздігіне байланысты жазылған естеліктер мен жадынамалар таратылуда. Аталмыш айлық кезінде халықтың әлеуметтік осал топтарына басымдық берілуде.
Өрт қауіпсіздігі ережелерін сақтау – баршаға ортақ. Өрттің жаңа тұтанып, енді жана бастағанын байқасаңыз, жедел өрт сөндіру күзеті телефонына «101» немесе құтқару қызметі «112» хабарласыңыз.
Жаңабай АХМЕТОВ
Суретті ұсынған төтенше жағдайлар бөлімі
Мероприятие направлено на изучение литературного наследия казахстанских авторов (далее…)
Работники ТОО «Гасыр-Карасу» организовали ознакомительную встречу для обучающихся карасуского образовательного профтехучреждения (далее…)
В программу были включены 42 выезда по карасуским сёлам и районам-соседям (далее…)
Малокомплектные образовательные учреждения обрели статус проектных в начале текущего календарного года (далее…)
В делегацию вошли первые руководители 10 карасуских сельхозпредприятий, занимающихся растениеводством и животноводством (далее…)
Районная прокуратура обеспечила возврат денежных средств, выплаченных в рамках государственных закупок (далее…)
This website uses cookies.