Ауданымызда спорт қарқынды даму үстінде. Өңір спортшыларының спорттағы қол жеткізген нәтижелері де ауыз толтырып айтарлықтай. Айталық, бүгінде ауданымыздың атағын облыстық, республикалық және әлемдік деңгейге асқақтатып, дүбірлі додалар да топ жарып жүрген спортшыларымыз аз емес. Солардың бірі – бокстан спорт шебері Владислава Кухта.
Жуырда Шымкент қаласында бокстан әйелдер арасындағы Қазақстан чемпионаты өткен болатын.
Жоғары деңгейдегі чемпионатқа әр аймақтан іріктеуден өткен мықты деген спортшылар қатысып, бақ сынады. Осы жарысқа Қостанай облысы атынан шығып, 57 келі салмақ дәрежесінде Владислава Кухта бокстан әйелдер арасында Қазақстан чемпионы атанды.
Жеңіске ұмтылған жерлесіміз үшін финалда оңай қарсылас жолыққан жоқ. Қарағандыдан келген Айжан Ходжабекова 2016 жылы бокстан әйелдер арасында өткен әлем чемпионатының қола жүлдегері. Владислава тартысқа толы финалдық бәсекеде қарсыласын айқын басымдықпен ұтып, жанкүйерлерін тамаша жеңісімен қуантты.
Владислава ауданымызға қарасты Новопавлов ауылынан шыққан. Ол бокспен мектеп қабырғасында жүрген кезінен бастап айналыса бастады. Оған спортпен шұғылдануына бұқаралық спортты дамытып, жастарды спортқа тарту мақсатында ашылған ауылдағы «Арлан» спорт кешені мүмкіндік берді.
Міне, жерлесіміз тағы да бір дүбірлі додада ауданымыздың атын асқақтатып, мерейін үстем етті. Болашақта бұдан да жоғары нәтижелерге қол жеткізуіне тілектестік білдіреміз.
Жаңабай АХМЕТОВ
Суреттер Владислава Кухтаның жеке мұрағаты және Қазақстан бокс федерациясының ресми сайты kfb.kz алынды
В Костанае прошло торжественное мероприятие по случаю 120-летия профсоюзного казахстанского движения и 35-летия Федерации профсоюзов…
Знакомство с популярным в последнее время видом спорта грэпплингом у местных ребят состоялось незадолго до…
Новый вид услуги стал воплощением в жизнь идеи начинающего предпринимателя Мариям Тлемисовой, которая после участия…
Жалғысқан ауылында «Ауыл – ел бесігі» мемлекеттік бағдарламасымен Юбилейная, Павлов, Рабочая көшелеріндегі авткөлік жолдары жөнделді.…
Осеннее благоустройство осуществляется в рамках концепции «Таза Казахстан». (далее…)
Спортсмены в составе сборной Костанайской области стали бронзовыми призёрами на Кубке РК по пулевой стрельбе.…
This website uses cookies.