Басты мақсат – өскелең ұрпақтың сапалы білім алуына барынша жағдай жасау
Бүгінде мемлекет тарапынан білім беру саласын дамытуға ерекше көңіл бөлініп келеді. Заман талабына сай білім беру сапасын арттыру мәселесі Президент Жолдауындағы басты бағыттардың бірі. Ондағы мақсат – білім беру ісінде өзіміздің озық жүйемізді құрып, өскелең ұрпақтың білім алуына барынша жағдай жасап, сапалы біліммен қамтамасыз ету.
Қазіргі таңда елімізде заманауи үлгідегі жаңа мектептер көптеп салынуда. Бұған дәлел – биыл Қарасуда бой көтеретін жаңа мектеп ғимараты. Бұл туралы бұған дейін де газетімізде жазған болатынбыз.
Қазір аудан орталығында салынатын 320 балаға арналған мектеп құрылысының қазығы қағылды. Аумағы 5 765 шаршы метр болатын мектеп алаңына арнайы техникалар тартылып, құрылыс жұмыстары басталып кетті.
Жаңа мектеп Қарасу ауылының Май зауыты көшесінің қиылысы мен Совхозный көшесінің қиылысының арасындағы бос тұрған жерде бой көтереді. Мектептің құрылысына 1 285 918,93 мың теңге бөлінген. Мектептің бас жоспарда жүгіру жолдары, футбол алаңы, баскетбол және волейбол алаңдары бар дене шынықтыру-спорт аймағы, оқу-тәжірибе станциясы, мектеп бақшасы, 0-4 сыныптардың демалуына арналған аула, негізгі кіреберістің алдындағы мерекелік алаң, 5-8 сыныптардың тыныш ойын алаңы қарастырылған.
Жалпы мектеп ғимараты екі қабатты, жертөлесі бар, жоспарда өлшемдері 57,4 х 58,17 м болатын тікбұрышты нысаны бар. Білім ордасының бірінші қабатының биіктігі 3,3 м, ал екінші қабаты 4,2 м құрайды.
Мектеп құрылысы кезінде 82 адам жұмыспен қамтылады. Құрылыс жұмыстарын 8 айда бітіру жоспарлануда.
Бүгінде жас ұрпақтың жан-жақты білімді болып өсуі қажет. Сапалы білім – еліміздің бәсекеге қабілеттілігін айқындайтын басты құрал. Өйткені келешекте елімізді өркендету, жаңа технологияны дамыту, мемлекетімізді нығайту – жас ұрпақтың қолында. Сондықтан олардың білікті де білімді болуы үшін білім ошақтары заманауи талаптарға сай болуы тиіс. Сонда ғана заман бәсекелесіне сай сапалы білім алуларына толық жол ашылады.
Жаңабай АХМЕТОВ
Суретте: мектеп құрылысы барысынан көрініс
Қарасу ауданының Железнодорожный ауылында 17-ақпанда ек бөлмелі жер үйдің шатырынан өрт шықты. (далее…)
Қыстың қаһары қайтпай тұр. Өткен демалыс күндері жалпы облыс аумағында ауа райы құбылып, жолдар жабылды.…
Казахстанская сборная стала победителем главного турнира UAE SWAT CHALLENGE-2026 в Дубае. (далее…)
Аудан көлеміндегі ауқымды спорт сайысы осымен екінші жыл қатарынан жалауын көтерді. (далее…)
Подвиг 19-летнего Юрия Мельничёнка стал скорбной и почётной частью истории страны. (далее…)
В числе участников увеличивается количество горожан, которые без сожаления становятся селянами. (далее…)
This website uses cookies.