Үстіміздегі жылдың нурыз айында Қазақстан Республикасы Президентінің қолдаумен ҚР ҰҚК Шекара қызметін реформалау ісі қолға алынған болатын
Осыған орай, ҚР ҰҚК ШҚ Қостанай облысы бойынша Департамент басшысы полковник Арман Жұмахметов мырзаны шекара қызметінде енгізілген өзгерістер туралы айтып өтуін сұраған едік:
ҚР ҰҚК Шекара қызметіндегі өзгерістің негізгі мақсаты: бүгінгі күні әлемде орын алып жатқан түрлі жағдайларды ескере отырып, құрылымға заман талабына сай өзгерістер енгізу. Нәтижесінде еліміздің шекараға жақын орналасқан облыстарында жекелеген Департаменттер құрылды. Шекара заставалары мен комендатуралары бөлімшелер мен бөлімдер болып өзгертілді.
Шекараны күзету қызметіне вахталық әдіс енгізілуде. Қорытындысында шекарашылардың жеке құрамының саны көбеюде. Аталмыш қызмет атқару моделі қырағы қызмет сапасының артатындығын дәлелдеді.
Бұл ретте, Шекара қызметінің жедел-әскери түрге көшуі қарастырылған. Жеке құрамының саны артқан шекарашылардың қазіргі заманда орын алуы мүмкін түрлі қауіпке жоғары деңгейде тойтарыс беруге қабілетті болады. Осыған байланысты, шекараға жақын аудандардағы шекаралық режимнің жағдайын бақылау күшейді.
Қорыта келгенде, ел шекарасының тыныштығын күзету ісінің бел ортасында жүрген әскери қызметшілердің жауапкершілігі көбейіп, саны артпақ. Қазақстан Республикасының 16 қаңтар 2013 жылғы «Қазақстан Республикасының Мемлекеттік шекарасы туралы» Заңына сәйкес, шекарамызды құзырлы органдармен біріге күзету ісін жалғастыра береміз.
Сонымен қатар, облысымыздың барлық жастарын ҚР ҰҚК Шекара қызметіне әскери қызметке келісімшарт негізінде қызметке орналасуға шақырамын. Ол үшін ҚР ҰҚК ШҚ Қостанай облысы бойынша Департаментіне хабарласса болғаны.
Манарбек Қарекенов,
ҚР ҰҚК ШҚ Қостанай облысы бойынша Департаменті, майор
Қарасу ауданының Железнодорожный ауылында 17-ақпанда ек бөлмелі жер үйдің шатырынан өрт шықты. (далее…)
Қыстың қаһары қайтпай тұр. Өткен демалыс күндері жалпы облыс аумағында ауа райы құбылып, жолдар жабылды.…
Казахстанская сборная стала победителем главного турнира UAE SWAT CHALLENGE-2026 в Дубае. (далее…)
Аудан көлеміндегі ауқымды спорт сайысы осымен екінші жыл қатарынан жалауын көтерді. (далее…)
Подвиг 19-летнего Юрия Мельничёнка стал скорбной и почётной частью истории страны. (далее…)
В числе участников увеличивается количество горожан, которые без сожаления становятся селянами. (далее…)
This website uses cookies.