Октябрь ауылдық үлгілі кітапханасында Алғыс айту күніне орай «Қазақстан – ортақ еліміз» тақырыбында дөңгелек үстел өтті. Оған әр түрлі ұлт өкілдері, Октябрь орта мектебінің мұғалімдері мен оқушылары қатысты.
Дөңгелек үстел барысында Октябрь ауылдық округі әкімі аппаратының бас маманы Айман Бекмағанбетова құттықтау сөз сөйлеп, игі тілегін білдірді. Ол өз сөзінде өз Отанын, халқын, жерін сүйетін адам қоғамның баға жетпес байлығы екенін атап өтті.
Кітапханашы Галина Нагорных Қазақстан халқы Ассамблеясының негізгі міндеттері туралы қысқаша ақпарат берді.
Октябрь ауылдық мәдениет үйінің маманы Гузалия Корнева, Октябрь орта мектебі директорының тәрбие жұмысы жөніндегі орынбасары Айнұр Додай және Октябрь орта мектебінің өзін – өзі тану пәнінің мұғалімі Луиза Ашаев татулык, достық, Отанды сүю және патриоттық тәрбиесі туралы сөз қозғап, жылы лебіздерін білдірді. Сондай-ақ Есенгелді Жәнібеков ағамыз бен Қанжамал Агитова апамыз отбасы құндылықтары, бала тәрбиесі қоғамда отбасының ролі туралы әңгіме өрбітті. Октябрь орта мектебінің педагог-психологы Татьяна Андреева тенинг ұйымдастырып, «Толерантнось» сөзінің мән мағынасын осы тренинг арқылы көрсете білді. Магомед Арсамаков ауызбірлік пен түсіністік, қарапайым сыйластық үстемдік құрған жерге қашанда нәтижелі істердің үйір болатынын, еліміз ұлтаралық татулықтың арқасында қарыштап қадам басып, өркен жайып келе жатқанын айта келе, адам бойындағы асыл қасиеттер – сыйластық, кешірімшілдік, төзімділік пен еңбекқорлық екенін, осы мінезге өз-өзіңді тәрбиелеу арқылы жақсы қарым қатынаста өмір сүруге болатынын айтып өтті.
«Қарамырза» мешітінің имамы Серік қажы Салих жылы сөз, қайырымды іс, жақсы ой, кіршіксіз сезімдерді ешқашан аямау керек екенін, «Рахмет» деген қасиетті сөзді жиі айтып жүру, адам алғыс пен ризашылық естіген сайын жақсылық жасағысы келіп тұратынын сөз етті. Сонымен қатар, мешіттің ұйымдастыруымен көмекке мұқтаж тұрғындарға жәрдем беру және ауыр диагнозы бар жандардың еміне ақша жинау мақсатында қолға алынған қайырымдылық шарасы туралы да сөз қозғады.
Жиналғандар тақырып аясында өз ойларын ортаға салып, пікір алмасты.
Жаңабай АХМЕТОВ
Мероприятие направлено на изучение литературного наследия казахстанских авторов (далее…)
Работники ТОО «Гасыр-Карасу» организовали ознакомительную встречу для обучающихся карасуского образовательного профтехучреждения (далее…)
В программу были включены 42 выезда по карасуским сёлам и районам-соседям (далее…)
Малокомплектные образовательные учреждения обрели статус проектных в начале текущего календарного года (далее…)
В делегацию вошли первые руководители 10 карасуских сельхозпредприятий, занимающихся растениеводством и животноводством (далее…)
Районная прокуратура обеспечила возврат денежных средств, выплаченных в рамках государственных закупок (далее…)
This website uses cookies.