Аудан орталығындағы «Нұр-Сәби» балабақшасында Қазақстан Республикасы Тәуелсіздігінің 29 жылдығына арналған «Менің Отаным – Қазақстан!» атты мерекелік ертеңгілік болып өтті. Оған аталмыш балабақшаның мектепке дейінгі даярлық сыныбының бүлдіршіндері, тәрбиешілер және ата-аналар қатысты.
Іс-шараның басты мақсаты – бүлдіршіндерге еліміздің тәуелсіздік алғалы жеткен жетістіктерімен таныстыру, білімдерін кеңейту және Отанды сүюге, елжанды болуға тәрбиелеу.
Шара барысында бүлдіршіндер салтанатты түрде ортаға шақырылып, Мемлекеттік Әнұран шарқалды. Жүргізушілер тәуелсіздік туралы қысқаша түсінік беріп, сұрақ-жауап арқылы бүлдіршіндерді диалогқа тартты. Оларға Қазақстан Республикасының Мемлекеттік рәміздері туралы ақпарат беріп, рәміздерімізді ерекше құрметтеп, мақтан тұту керектігін түсіндірді.
Одан кейін балалар тәуелсіздік, Отан, туған жер туралы тақпақтарын жатқа оқып берді.
Бұдан кейін алдын ала дайындалған сценарий бойынша «Алдар көсе мен бай» ертегісіне сахналық көрініс қойылды. Көрініс барысында бүлдіршіндер түрлі сұрақтарға жауап беріп, өз білімдерін тереңдетті.
Бұдан бөлек, ән шашулар, би өнерлері ұсынылып, жиналғандарға көтеріңкі көңіл-күй сыйлады. Бүлдіршіндер ән салып, би билеп, өлең, тақпақтар айтып, естелік суреттерге түсті.
Аталмыш шара қызықты өтті. Балалар өздерін қызыққа толы әлемге келгендей сезінді. Мерекелік көңіл-күймен, қуаныштан жүздері бал-бұл жанған бүлдіршіндерге көрермендердің демеуі де ерекше болды.
Жаңабай АХМЕТОВ
Суреттерде: мерекелік шарадан көріністер
В Шымкенте проходит XVI чемпионат Азии по спортивной стрельбе. (далее…)
Белозёрка вошла в число безалкогольных сёл областного региона. (далее…)
Все средства направляются на строительство и модернизацию социальных объектов. (далее…)
В регионе прошло расширенное заседание с участием сразу нескольких профильных ведомств. (далее…)
Реконструкции разводящих водопроводных сетей проводятся в Востоке и Карасу. (далее…)
Қарасу ауданының тұрғыны, көпбалалы ана Мариям Тілемісова бизнес жобалар байқауында жеңіске жетіп, 1 572 800…
This website uses cookies.