Басты мақсат – халықтың қысқы спортқа деген қызығушылығын арттыру
Осыдан екі жыл бұрын аудан орталығында ашылған «Қарасу арена» хоккей корты бүгінгі таңда тұрғындар жиі келетін орынға айналды. Жазда доп қуалап, ал қыста хоккей ойнауға арналған әмбебап нысанда қазір карантиндік шектеулерге байланысты жарыстар ұйымдастырылып жатқан жоқ. Бірақ, бұл спорт кешеннің есігіне қара құлып түсті деген сөз емес. Қазір мұнда коньки тепкісі келетін жандар үшін секциялар бекітілген кесте бойынша жұмыс істеп жатыр. Келушілерге барлық жағдай жасалған. Конькиді жалға алуға болады. Аяқ киім ауыстыратын бөлме де бар.
-Күн суытып, қыс басталысымен корттың жұмысын жандандыруға кірістік. Алдымен қар төсеп, оның үстіне су шашып, содан кейін мұз құйдық. Мұздың қалыңдығы 10 сантиметрге дейін жетеді. Коньки тебушілерге қолайлы жағдай туғызу мақсатында мұз айдынын үнемі жаңартып отырамыз. Жуырда ғана беті жұқарған мұздың үстінгі қабатын тегістеп, оған 1 текше метр суды пайдаландық. Қазір мұздың сапасы жақсы. Біздің басты мақсатымыз – халықтың қысқы спортқа деген қызығушылығын арттырып, бос уақыттарын тиімді өткізуге мүмкіндік беру, – дейді осы жұмыстың басы-қасында жүрген спорт маманы Абдраш Қазбеков.
Айта кетерлігі, секциялар санитарлық-эпидемиологиялық талаптарға сай өтуде.
Жаңабай АХМЕТОВ
В Шымкенте прошли лично-командные состязания по пулевой стрельбе. (далее…)
В профтехорганизации прошла встреча представителей разных возрастных групп. (далее…)
Қазақстанда жыл сайын 10-қазанда кәсіподақтар күнін атап өтеді. (далее…)
В районе стартовал отопительный сезон. (далее…)
Соревновательное мероприятие стало творческой площадкой, где участники смогли через современные средства видеоконтента рассказать о том,…
Қарасу ауданындағы Павлов орта мектебінің директоры Дәулет Салькенов 20 жылдан астам еңбек өтілі бар…
This website uses cookies.