Главные новости Карасуского района – Qostanai Media

Жуырда Әулиекөл ауданында «Рухани жаңғыру» бағдарламасы аясында «Бабадан қалған қазынам» атты қазақ халық аспаптарының аймақтық фестивалі өтті. Оған Қостанай қаласы, Қамысты, Қарасу, Науырзым, Алтынсарин және Әулиекөл аудандарының өнерпаздары қатысты.

Фестивальдің басты мақсаты – халық аспаптарда ойнау дәстүрін дәріптеу.

Фестивальге Қарасу аудандық балалар өнер мектебі де қатысып, өз өнерлерін паш етіп қайтты.

Қарасу аудандық балалар өнер мектебінің қазақ ұлттық аспаптар ансамбілі Греческая «Опа» туындысын орындады. Ансамбіль жетекшісі – Лаура Ерембетова. Ансамбільдің құрамында болғандар: Томирис Қожабаева, Аяулым Қаратаева, Тамерлан Абдрахманов, Нұржан Мейрамбек, Влад Гембель, Владимир Якимец, Асем Нокушева, Нұржан Қанапин, Руслан Аймұхамбетов, Эльдар Шаншаров, Азиза Багитжан, Айдара Бердияров, Асылхан Климусов, Лиана Сергейчук, Наталья Бердиярова, Василий Ковалев

Халық әні «Илегай» орындайтын Квартет, Ковалев Василий Иванович, Ерембетова Лаура Қонысқызы, Бердиярова  Наталья Анатольевна, Бердияров Айдар.

Сонымен қатар, халық әні «Илегайді» Ковалев Василий, Лаура Ерембетова, Наталья Бердиярова және Айдар Бердияровтан құралған квартет орындады.

Фестиваль соңында жерлестеріміз диплом және бағалы сыйлықпен марапатталды.

Аудан өнеріне өз үлесін қосып, жас өрендердің өрісінің кеңеюіне, дарындыларды іріктеп, олардың талантын одан әрі ұштауда Қарасу аудандық балалар өнер мектебінің атқарып келе жатқан еңбегі орасан зор. Бұл киелі шаңырақ талай шәкірттерді қанатының астына алып, өнерге баулып, тәрбиелеп, қанаттандырды. Осы мектептің өнерлі өрендері талай шығармашылық байқауларға қатысып, жүлделі орындарды иеленіп, сахнаға сән беріп, өнерсүйер қауымның көңілінен шығып жүр.

Жаңабай АХМЕТОВ

Суреттерді ұсынған Қарасу аудандық балалар өнер мектебі