Ел экономикасын алға сүйрейтін жетекші салалардың бірі – ауыл шаруашылығы. Қазіргі таңда мемлекет тарапынан бұл саланы кеңінен дамытуға ерекше көңіл бөлініп келеді. Саланы қаржыландыру көлемі жыл сайын артып, тың бағдарламалар қолға алынып, ауыл шаруашылығының дамуына мол септігін тигізуде.
Қарасу аграрлы аудан болғандықтан, халықтың негізгі табыс көзі ауыл шаруашылығымен тығыз байланысты. Қашаннан алтын астығымен аты шыққан ауданымыздың бұл бағыттағы жетістіктері аз емес. Өңірдегі ауыл шаруашылығы саласында жұмыс жасап жатқан еңбеккерлердің ерен еңбегі мен қажымас күш-жігерінің, кәсіби шеберлігінің арқасында бұл саласында үлкен жетістіктерге қол жеткізіліп, ауданымыздың әлеуеті артып келеді.
Міне, сондықтан да ел ырысын асырған дала қаһармандарының еңбегі қашанда зор құрметке лайық.
Жуырда «Достық» аудандық мәдениет үйінде ауыл шаруашылығы және өңдеу өнеркәсібі қызметкерлері күніне орай мерекелік концерт ұйымдастырылды. Атаулы шара ауыл шаруашылығы саласы қызметкерлерінің төл мерекесіне арналды.
Концертте Бауыржан Тасболатов «Балдәурен» күйін нақышына келтіре орындады. С.Егзекова және Н. Бердиярованың жетекшілігімен «Нұр-Сәби» балабақшасының бүлдіршіндері де өз өнерлерін көрсетіп, концерттің өтуіне атсалысты. Қарасу мемлекеттік тілде оқытатын негізгі мектебінің 2-сынып оқушысы Әмина Төрехан да әннен шашу шашты. Әсем дауысымен көпшілікке танылып үлгірген жас әнші Аялан Мұқанов та сахна төрінен табыла білді.
«Глория» халықтық вокалдық тобы да тыңдармандарға әсем әндерін жолдады. Октябрь ауылдық мәдениет үйінен Марат Жайсаңбаев және Люблинка ауылдық мәдениет үйінен «Жемчужина» вокалдық тобы өз өнерлерін көрсетті. Есімхан Тоқыбаевтың орындауындағы «Өз елім» әні концерттің соңғы нүктесін қойды.
Айта кетерлігі, коронавирус пандемиясына байланысты аталмыш концерт көрермендерсіз өтті. Сондықтан концерттің басынан аяғына дейін түсірілген видеосы YouTube каналында жарияланды.
Түпнұсқа видеоны төмендегі сілтеме арқылы көре аласыздар: https://youtu.be/xpMsPSRTxCg
Жаңабай АХМЕТОВ
Суреттерде: концерттен көріністер
В Костанае прошло торжественное мероприятие по случаю 120-летия профсоюзного казахстанского движения и 35-летия Федерации профсоюзов…
Знакомство с популярным в последнее время видом спорта грэпплингом у местных ребят состоялось незадолго до…
Новый вид услуги стал воплощением в жизнь идеи начинающего предпринимателя Мариям Тлемисовой, которая после участия…
Жалғысқан ауылында «Ауыл – ел бесігі» мемлекеттік бағдарламасымен Юбилейная, Павлов, Рабочая көшелеріндегі авткөлік жолдары жөнделді.…
Осеннее благоустройство осуществляется в рамках концепции «Таза Казахстан». (далее…)
Спортсмены в составе сборной Костанайской области стали бронзовыми призёрами на Кубке РК по пулевой стрельбе.…
This website uses cookies.