Главные новости Карасуского района – Qostanai Media

Биылғы қыс қарлы. Қыс мезгілінің алғашқы екі айында қар қатты түсе қойған жоқ

Есесіне аязды күндер көп болды. Ал, ақпан айының бел ортасынан бері боран жиі соға бастады. Елді мекендерді қалың қар басып, көлік жүргізушілерін, тіпті жаяу жүргіншіні де әбігерге салды. Толассыз жауған қар, ұйтқыған боран салдарынан айнала аппақ, үйлерді қар басып қалған. Боранды күндердің бірінде Қарасу ауылының тұрғыны, зейнеткер Анзия Қаппасованың үйін де қалың бар басып қалған болатын.
«Ауылыңда қария болса, жазып қо鬬ған хатпен тең» дейді дана халқымыз. Халқымыз ежелден қарттарын сыйлап, айрықша құрметтеп, қадірлеп, қасиет тұтқан. Егде жастағы адамдардың мәртебесін жоғары ұстап, құрмет көрсетуді естен шығармаған төтенше жағдайлар бөлімі және Қарасу ауылының №24 өрт сөндіру бөлімінің қызметкерлері Анзия әжеміздің үйіне арнайы барып, көшедегі күре жолдан бастап қақпаға дейінгі және ауласындағы қалың қарды ашып, көмек қолын созды.
Иә, өңірде ақ ұлпаның қалыңдығы белгілі мөлшерден жоғары. Осындай келеңсіз жағдайда қарттарға қол ұшын созып, көмек көрсету, әрине, құптарлық іс. Бұндай игі шаралар жастарымыздың бойына еңбексүйгіш қасиеттерін дарытып, үлкендерге кұрмет көрсетуге дәріптейді.
Өз тарапынан Анзия әжеміз кейінгі ұрпақтың үлкендерге деген құрметіне риза болып, шексіз алғысын білдірді. Бөлім қызметкерлері қарттарға қашанда көмек көрсетуге дайын екендіктерін аңғарта білді.

Жаңабай АХМЕТОВ
Суретті ұсынған төтенше жағдайлар бөлімі