Главные новости Карасуского района – Qostanai Media

Бүкіл әлемде 1-ші маусым Балаларды қорғау күні ретінде аталып өтіледі. Сондықтан да ол халықаралық мейрамдардың бірі саналады. Оны өткізу жөнінде шешім 1949 жылдың қараша айында Парижде Халықаралық демократиялық әйелдер федерациясының арнайы сессиясында қабылданды.

Деректеріне сүйенсек, алғашқы Халықаралық балаларды қорғау күні 1950 жылы өткізілген. БҰҰ аталған бастаманы дер кезінде қолдап, балалардың өмірін, құқығын, денсаулығын қорғауды өз қызметінің басты бағыттарының біріне айналдырды. Балаларды қорғау күнін олардың өмірін соғыстан қорғау, денсаулығын сақтау, болашақ ұрпаққа жан-жақты  білім мен тәрбие беру жөніндегі барша әлемдегі озық пікірлердің тоғысқан арнасы десек, артық айтқандық емес.

Өкінішке орай, еліміздегі туындап отырған қауіпті дерттің таралуына байланысты бұл мереке кең көлемде аталып өткен жоқ.

Дегенмен, қарасулық іскер азаматтардың арқасында аудандағы  балалардың көңілін көтеріп, мерекені сезіндіретін  сый-сияпат жасау шаралары қолға алынғанын атап айту керек.

Солардың бірі – жергілікті кәсіпкер аудандық мәслихат депутаты Аягөз Өскенбаева аудан орталығындағы «Даун» синдромы ауруымен ауыратын мүмкіндігі шектеулі бала тәрбиелеп отырған отбасына арнайы барып, жастайынан тағдыр тауқыметін тарқан бүлдіршінге мерекелік көңіл-күй сыйлады.

«Бала біздің бауыр етіміз. Болашағымызды ұрпақсыз елестету мүмкін емес. Әрқайсымыз  балаларымыз үшін қолдан келтіннің бірін жасауымыз керек. Осындай игі шаралар бір күннің тасасында қалып қоймай, алдағы уақтта жалғасуы керек.

Өздеріңіз көріп отырғандай еліміздегі  карантин ережесі жаңа дамып келе жатқан  ойын балалары үшін өте қиын болып отыр .

Мұның бәрі уақытша қиындықтар ғой, ең бастысы балаларымыз аман болсын», – дейді  Аягоз Мақжанқызы.

Мешіт Ғазизұлы