Бұл қызметке бұған дейін Қостанай ауданын басқарған Виктор Радченко тағайындалды
Бүгін Қостанай облысының әкімі Архимед Мұхамбетовтің өкімімен Қарасу ауданының тізгінін Радченко Виктор Николаевич ұстады. Оны аудан активіне облыс әкімінің бірінші орынбасары Ғауез Нұрмұхамбетов таныстырды.
Виктор Николаевич Радченко 1967 жылы 1 қарашада дүниеге келген. М.Дулатов атындағы Қостанай инженерлік-техникалық университетін және Қазтұтынуодағы Қарағанды экономикалық университетін бітірген.
Туған жері Украина мемлекеті Черниговский облысы Козацкий ауылы. Ол еңбек жолын қарапайым жұмысшыдан бастап, жаңа қызметке тағайындалғанға дейін Қостанай ауданының әкімі болған.
Ал бұған дейін Қарасу ауданын басқарған Виктор Ионенко өңір басшысының өкімімен облыс әкімінің орынбасары болып тағайындалған болатын.
«Қарасу ауданы – шаруашылығы мығым, облыста елеулі орны бар ірі аудандардың бірі. Бұған дейін осы ауданды басқарған Виктор Николаевич Ионенко қай салада болмасын ауданды жақсы жетістікке жеткізе білді. Іскер басшыны өздеріңіз білесіздер жақында облыс әкімі Архимед Бекежанұлы өзінің орынбасары етіп тағайындаған еді.
Осыған орай бүгін біз сіздердің алдарыңызға Қарасу ауданының әкіміне тағайындалған Радченко Виктор Николаевичті таныстырғалы келіп отырмыз. Жаңа аудан басшысының алдына облыс әкімі жаңа міндеттер мен тапсырмалар жүктеп отыр. Сізге жаңа қызметіңізде табыс тілейміз», – деді облыс әкімінің бірінші орынбасары Ғауез Нұрмұхамбетов аудан активінің алдында сөйлеген сөзінде.
Расында да Қарасуда соңғы жылдары Виктор Ионенконың келуімен талай игілікті істер жүзеге асты. Аудандағы елді мекендерге әр кіріп, халық ұзақ жыл күткен мемлекеттік тілде оқытатын орта мектептің құрылысы мен ауыз су мәселесі біртіндеп шешімін тапты. Көптеген әлеуметтік нысандар жаңартылып, білім беру ордалары мен әлеуметтік нысандардың тіршілігіне әр кірді.
Біз осы орайда жаңа қызметке тағайындалған Қарасудың бұрынғы әкімі Виктор Ионенко мен қазіргі әкімі Виктор Радченкоға тағайындалған қызметтеріне сәттілік тілейміз.
Мешіт Ғазизұлы
Суретті түсірген: Валентина Орлова
Қарасу ауданының Железнодорожный ауылында 17-ақпанда ек бөлмелі жер үйдің шатырынан өрт шықты. (далее…)
Қыстың қаһары қайтпай тұр. Өткен демалыс күндері жалпы облыс аумағында ауа райы құбылып, жолдар жабылды.…
Казахстанская сборная стала победителем главного турнира UAE SWAT CHALLENGE-2026 в Дубае. (далее…)
Аудан көлеміндегі ауқымды спорт сайысы осымен екінші жыл қатарынан жалауын көтерді. (далее…)
Подвиг 19-летнего Юрия Мельничёнка стал скорбной и почётной частью истории страны. (далее…)
В числе участников увеличивается количество горожан, которые без сожаления становятся селянами. (далее…)
This website uses cookies.