Жерлестеріміз облыс чемпионатынан төрт медаль жеңіп алды

Қостанай қаласында еркін күрестен 2003-2005 жылғы жасөспірімдер мен қыздар арасында Қостанай облысының чемпионаты болып өтті

Бозкілем бәсекесінде облыстың барлық аудан және қалаларынан келген палуандар бақ сынады.

Жарыстың басты мақсаты – салауатты өмір салтын насихаттау, палуандардың спорттық шеберлігін арттыру, талантты спортшыларды анықтау және жасөспірімдерді достыққа, патриоттық сезімге, ұлттық мәдениетке  тәрбиелеу.

Кіл мықтыдан, шын мықтыны анықтайтын аймақтық аламанға ауданымыздың палуандары да қатысып, бақтарын сынап қайтты.

Жарыс соңында «жүзден жүйрік, мыңнан тұлпар» шыққан жерлестеріміз Нина Копачану (46 кг) және Аида Жүсіпова (65 кг) алтыннан алқа тақты. Ал, 73 келі салмақта сынға түскен Ксения Заворотная екінші орынды еншілесе, 60 келідегі Алдияр Таспаев қола жүлдені иеленді.

Жерлестерімізге жеңісті күндер жалғаса берсін демекпіз!

Жаңабай АХМЕТОВ

Суретті ұсынған Нұрсұлтан Баязитов