Тартысқа толы болған ашық облыстық турнир
Денисовка ауданында еркін күрестен Б. Дубиров және Б. Игисеновты еске алуға арналған 2005-2007, 2008-2010, 2011 жылғы және одан кіші жастағы жасөспірімдер және 2006 жылғы және одан кіші жастағы қыздар арасында ашық облыстық турнир болып өтті.
Аталған жарыс тартысты өтті. Бұл жарысқа біздің ауданның спортшылары да барып, бақ сынасып қайтқан болатын. Намысты қолдан бермеуге тырысқан жерлестеріміз бозкілем үстінде белсенділік танытты. Атап айтсақ, 42 келі салмақ дәрежесіндегі Виктория Зонингрина және Камила Воробьева қола жүлдені иеленді. +48 келі салмақта сынға түскен Алмаз Қотырев екінші орынды жеңіп алса, Аслан Жұмаділов жүлделі үшінші орынға тұрақтады. Ал, 60 келідегі Юлия Булынина турнир чемпионы атанды.
Жеңімпаз-жүлдегерлерге тиісті деңгейдегі медальдар және мадақтама қағаздары табыс етілді.
Жаңабай АХМЕТОВ
Много сидишь в социальных сетях? Тогда читай полезные новости в группах "Qostanai.Media" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-701-031-72-31