Тұрғындар су тасқыны кезіндегі іс – әрекеттерді білу керек

Биылғы қыс өзге жылдарға қарағанда қарлы

Ақ түтек борандар жиілеп кетті. Қар әдеттегіден қалың түсті. Әрине, табиғаттың тосын мінезіне ешкім төтеп бере алмасы анық.
Десек те, көктемде қар суынан келер қауіп жоқ деуге болмайды. Сондықтан қоғамда тілсіз жау ретінде бағаланған су тасқынына алдын ала сақтық шараларын күшейту керек. «Сақтанғанды Құдай сақтайды» емес пе?!

Биыл аудандағы төтенше жағдайлар бөлімі көктемгі су тасқыны жұмыстарына жылдағыдан ертерек қамданып, көктемгі қауіп-қатерге қарсы дайындық жұмыстарына алдын ала кірісіп кетті. Айталық, төтенше жағдайлар бөлімі мен өрт сөндіру бөлімінің қызметкерлері Қарасу және Железнодорожный ауылдарының жеке тұрғын үйлерін аралап, тұрғындарға көктемгі су тасқыны кезіндегі іс – әрекеттерінің қағидалары жазылған парақшалар таратты.
Жалпы ауданда су тасқыны кезеңіне дайындық белсенді жүргізілуде. Көктемгі су тасқынына қарсы алдын ала іс-шаралар жоспары бекітілген.
Апат айтып келмейді. Су тасқынын болдырмау үшін барлық әзірлік жұмыстарын жүргізіп, табиғаттың тосын апатына тас-түйін дайын болуымыз керек.

Жаңабай АХМЕТОВ
Суретті ұсынған төтенше жағдайлар бөлімі