Оқушылар қашықтан білім алуда

Коронавирус – бүкіл әлемдік мәселеге айналған қауіпті дерт. Осы індетпен күресу мақсатында наурыздың 16-сынан сәуірдің 15-не дейін елімізде төтенше жағдай енгізіліп, кейін ол ұзартылған болатын.

6 сәуірден бастап төртінші тоқсан басталды. Елімізде коронавирустың салдарынан төтенше тәртіп енгізілуіне байланысты оқушылар қашықтан оқуға көшті.

Бастапқыда 80 адамға дейінгі оқушылары бар шалғай ауыл мектептері санитарлық-эпидемиологиялық шараларды күшейте отырып, әдеттегі режимде оқыған болатын. Алайда, төтенше жағдай режимінің күшейтілуіне байланысты қашықтан оқытуға ауыстырылды.

– Мен Қарасу мемлекеттік тілде оқытатын негізгі мектебінің 8-сынып оқушысымын. Елдегі төтенше жағдайға байланысты оқуды қашықтан оқып жатырмыз. Әрине, бұл бізге тың әдіс. Десек те, қашықтан оқуды тез меңгеріп алдым. Аса бір қиындық туғызған жоқ. Мұғалімдеріміз бәрін жан-жақты түсіндіріп, үйретті. Бәрі де өзімізге байланысты, сабаққа жауапкершілікпен қарап, берілген тапсырмаларды ынтамен орындау керек, – дейді 8-сынып оқушысы Аслан Жұмаділов.

Жаңабай АХМЕТОВ

Сурет автордікі