Герцен негізгі мектебінде біріккен сынып сағаты өтті

Өскелең ұрпаққа сапалы білім мен саналы тәрбие беру қашанда маңызды мәселенің бірі болып саналады. Ел болашағы – жас ұрпақтың қолында. Сондықтан болашақ жастарды тәрбиелеу мақсатында аудан мектептерінде көптеген игі іс-шаралар атқарылуда.

Мәселен, Герцен негізгі мектебінде «Болашаққа бағдар: рухани жаңғыру» бағдарламасы аясындағы құрастырылған «Тəрбие жəне білім» кіші бағдарламасы аясында «Отбасы – тәрбие басы, мектеп – тәрбие жаршысы» атты біріккен сынып сағаты шеңберінде «Время на важное» тақырыбында сабақ өтті. Мектеп мұғалімі Сара Каримованың ұйымдастыруымен өткен шараға 5-9 сынып оқушылары қатысты.

Сабақ барысында оқушылар «Отбасы құндылықтары» тақырыбында өз жобаларын қорғап, видеоролик тамашалады.

«Ұяда нені көрсең, ұшқанда соны ілесің» дейтін ата-бабамыз өскелең ұрпақтың тәлімді де тәрбиелі болып өсуіне баса назар аударған.

Бүгінде отбасы институты деңгейін көтеру және қоғамда отбасы құндылығының мәртебесін арттыруға үлкен мән берілуде. Өйткені еліміздің мызғымас беріктігі ондағы жанұялардың бақытты, саламатты болуына тікелей байланысты.