«Біз біргеміз» республикалық акциясы аясында өткен акция

Октябрь ауылында «ШахНур» жекпе-жек спорт клубының бапкері Шахбоз Халметовтың бастамасымен, аталған спорт клубының шәкірттерінің ата-аналарының атсалысуы және дене шынықтыру және спорт бөлімінің бас маманы Тұрсынғали Мұхаметжановтың қолдауымен «ШахНур коронавирусқа қарсы» атты акциясы өткізілді.

«Біз біргеміз» республикалық акциясы аясында өткізілген шара коронавирус пандемиясымен күресудің алдын-алу мақсатында ұйымдастырылды.

Акцияны ұйымдастырушылар қарттар мен тұрмысы төмен отбасылардың үйіне арнайы барып, оларға бірінші кезекте қажетті азық-түлік салынған пакеттер таратты.

Акцияны ұйымдастырушылар қарттарды және тұрмысы төмен отбасыларды қамқорлыққа алып, олардың хал-жағдайын сұрап, әрдайым қол ұшын беруді парыз санайды.

Жасыратыны жоқ, қазір сананы тұрмыс билеген заман. Ал, біздің қоғамда қамқорлыққа зәру жандар жоқ емес. Сондықтан, бұл акцияға өзгенің тағдырына бей-жай қарамайтын барлық жан үлес қосса, нұр үстіне нұр болар еді.

Жаңабай АХМЕТОВ