«Біз біргеміз» челленджі аясында
Елімізге белгілі әзілкеш Тұрсынбек Қабатов бастаған «Біз біргеміз» челлендж-бастамасына қарасулықтар да қолдау білдірді. «Nur Otan» партиясы аудандық филиалы төрағасының бірінші орынбасары Қайрат Мұқанов және жергілікті еріктілер Восток ауылының тұрғыны, зейнеткер Ұлпан Майленованың үйіне барып, қарт әженің ауласын қалың жауған қардан тазалап берді.
Биылғы қыс жылдағыдан ерекше. Қар әдеттегіден қалың түсті. Жауған қар бұған дейінгі жылдармен салыстырғанда екі-үш есеге артық. Осындай келеңсіз жағдай орын алып жатқанда қарттарға қол ұшын созып, көмек көрсету, әрине, құптарлық іс.
Өз тарапынан Ұлпан әжеміз кейінгі ұрпақтың үлкендерге деген құрметіне риза болып, шексіз алғысын білдірді. Челленджге қатысушылар қарттарға қашанда көмек көрсетуге дайын екендіктерін аңғарта білді.
2020 жыл елде «Еріктілер жылы» деп жарияланды. Сондықтан бұл бастаманы басқа да еріктілер қолдайды деген ойдамыз.
Жаңабай АХМЕТОВ
Много сидишь в социальных сетях? Тогда читай полезные новости в группах "Qostanai.Media" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-701-031-72-31