Балабақшадағы қызыққа толы мереке

Октябрь ауылының «Салтанат» балабақшасында алтын күз мерекесі аталып өтті. Оған балабақшаның «Балдырған» тобының бүлдіршіндері, тәрбиешілер және ата-аналар қатысты.

Шараның басты мақсаты – күз мезгілінің ерекшелігін ескере отырып, балалардың шығармашылық қабілеттерін дамыту, мәдени – көпшілік шараларға белсенді қатысуға ынталандыру.

Шара барысында балабақшаның меңгерушісі Алмакүл Баймбетова құттықтау сөз сөйлеп, ізгі тілегін білдірді.

Мерекелік шара қызықты өтті. Алдымен кештің басты қонағы – Күз ханшайымы келді. Қуаныштан жүздері бал-бұл жанған бүлдіршіндер ортаға шығып, өз өнерлерін көрсетті. Әдемі, жарасымды киінген бүлдіршіндер тақпақтар оқып, ән айтып, би билеп, түрлі ойын-сауық бағдарламаларға қатысты. Күз ханшайымы бүлдіршіндерге сыйлық ретінде алма таратып берді.

Күзгі мерекеге қатысқан ата-аналар да өз тараптарынан шараны ұйымдастырушыларға алғыстарын айтып, шексіз ризашылықтарын білдірді.

Аталған шараның өз деңгейінде өтуіне жауапты болған тәрбиешілер –Жанара Айтпаева, Назия Садырбаева. Музыкалық жетекші – Алмас Оспанов.

Жаңабай АХМЕТОВ