Ауыл балалары білім додасында үздіктер қатарында
Қарасу ауданы орталығынан шалғай жатқан Октябрь ауылынан сүйіншілеген жаңымды жаңалық келді
Атап айтар болсақ, сол ауылдағы жалпы білім беретін мектептің 5 сынып оқушылары Абылайхан Нұрғалиев пен Бауыржан Шоқай ауыл оқушыларына арналған «Мың бала» Ұлттық зияткерлік олимпиадасының жүлдегерлері атанып, еліміздің 1000 жеңімпаздарының тізіміне енді.
«Мың бала» – бұл ауылдағы білім ордаларында тәлім алып жатқан дарынды балаларды қолдау мен дамытуға, олардың қалалық құрдастарымен табысты бәсекелесуі үшін жағдай жасауға, білімдегі алшақтықты қысқартуға бағытталған ұлттық ауқымдағы бірегей жоба болып табылады.
Жоба Елбасы Нұрсұлтан Назарбаев қоры мен «Елбасы академиясы» КҚ “Ел Үміті” талантты жастарды анықтау және қолдау бастамасы аясында жүзеге асырылуда.
Олимпиада екі кезеңде өтті және еліміздің ауыл мектептерінің 5 және 6 сыныптарының 96 мыңнан астам оқушысын қамтыды.
Олимпиаданың жеңімпаздарына Елбасы академиясының Birge Oqý онлайн мектебінде тегін оқуға мүмкіндік беріледі.
Мешіт Ғазизұлы
Много сидишь в социальных сетях? Тогда читай полезные новости в группах "Qostanai.Media" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-701-031-72-31