Қарасулық полицейлер жүргізуші әйелдерді 8 наурыз мерекесімен құттықтады

Бұл шара тәртіп сақшылары арасында дәстүрге айналған

Олар жолға шығып, қыз-келіншектер тізгіндеген көліктерді тоқтатып, көздң жауын алатын гүл шоқтарын ұсынды. Тіпті сол күні олар жол жүру ережесін бұзған кейбір жүргізушілерге кешіріммен қарап, мерекелік көңіл-күй сыйлады. Соңғы жылдары ауданда көлік жүргізетін нәзік жандылар қатары артқан.

«Олар темір тұлпарды ер азаматтардан кем басқармайды», – дейді жол қаусіздігін бақылайтын жергілікті инспекторлар.

“ Менде бірінші рет мұндай болып тұр. Ауданға жұмыс бабымен қонаққа келген едім. Жолда жүру ережесін бұзбаған секілді едім. Қорқып кеттім. Рақмет! Қуаныштымын. Жұмыстарыңыз алға баса берсін. Шаршамаңыздар, – дейді көлік жүргізушісі Жазира есімді бойжеткен.

“Мереке күні әрбір аруға гүл сыйлаудамыз. Аудан бойынша қазір біздің әрбір автоэкипаж, яғни қызметкерлеріміз дәл осындай іс-шарамен айналысты. Осыған орай әйел азаматтарын халықаралық мейрамдарымен құттықтаймын. Жол ережесін бұзбай сақтап жүріңіздер дегім келеді”, – дейді Қарасу аудандық ішкі істер бөлімінің бастығы Ерлан Рахимов.

Мешіт ҒАЗИЗҰЛЫ