Қарасуда Марат Нұрғалиевты еске алуға арналған шайбалы хоккейден аудандық турнир болып өтті. Оған Қарасу, Ленин, Қарамырза және Новоселов ауыл, ауылдық округтерінің командалары қатысып, өзара бақ сынады.
Спорттық шараның басты мақсаты – салауатты өмір салтын насихаттау және шайбалы хоккейді дамыту.
Жарыс барысында әр команда өзінің ұйымшылдығы мен бірлігін паш етті.
Тартысты өткен турнир қорытындысы бойынша Ленин ауылының хоккейшілері жеңіске жеттті. Екінші орынды Қарасу жастар командасы еншілесе, үшінші орынды Қарамырза және Новоселов ауылдарының біріккен командасы қанжығалады.
Қатысушылардың пікірінше, жарыс жоғары деңгейде ұйымдастырылған, мұз жақсы, көрермендерге жақсы эмоциялар сыйлады.
Турнир соңында жеңімпаз және жүлдегер командалар медаль, грамота, кубок және ақшалай сыйлықтармен марапатталды. Турнирдің үздік ойыншылары да анықталып, марапатқа ие болды.
Қарасу ауданының спорт саласында елеулі еңбек етіп, өмірден озған Марат Қамзинұлы Нұрғалиевтың есімі көпшілікке жақсы таныс. Ол Қарасу өңірінде спорттың дамуына айрықша еңбек сіңіріп, сүбелі үлес қоса білді. Қажырлы еңбегімен, ұйымдастырушылық жігерімен, қайраткерлік қасиетімен оның есімі көпке белгілі еді. Бүгінде арамызда жоқ болса да, оның есімі ешқашан өшпейді, мәңгі жадымызда өмір сүреді.
Жаңабай АХМЕТОВ
Жуырда Қостанай қаласында облыстық XXXIX жазғы спартакиада бағдарламасы аясында оқ атудан жарыс ұйымдастырылды. (далее…)
Жуырда Қарасу ауданының Жамбыл ауылында өрт сөндіру бекетінің салтанатты ашылу рәсімі өтті. (далее…)
Қарасу аудандық төтенше жағдайлар бөлімінің қызметкерлері жергілікті атқарушы органдармен, полиция бөлімінің мамандарымен бірлесе рейдтік іс-шаралар…
«Железнодорожное – АМФ» ЖШС меморандум аясында 2026 жылы Железнодорожный ауылындағы Горький көшесін өз қаражаты есебінен…
Только за последние 7 лет участие в районном этапе республиканского проекта приняли 16 карасуских семей,…
«Мерейлі отбасы» ұлттық байқауының аудандық кезеңінің кезекті қатысушысы Досқалиевтар отбасы шынайы махаббат – шекарасы жоқ…
This website uses cookies.