Қараман ауылының тұрғындарына көмек көрсетілді

Қасиетті Рамазан айы мейірімділік, бірлік, береке мен ізгіліктің мерекесі

Дәстүр бойынша, бұл айда мұсылмандар қайырымдылықпен айналысады. өйткені Рамазан айында берген  зекет пен садақаның сауабы мол.

Осындай игі бастама ораза айты қарсаңында Қарасу ауданында  өз жалғасын тауып отыр.

Атап айтар болсақ,  «Бақытты отбасы» партиялық жобасы аясында  «Nur Otan» партиясының Қарасу аудандық филиалы мен  «Жастар ресурстық» орталығымен бірлесе отырып, Қараман  ауылында тұратын көп балалы, әлеумтік жаңынан азқамтылған  отбасыларына  азық-түлік түрінде көмек көрсетті.

«Қазіргі кезде еліміз қиын жағдайды бастан өткеріп жатыр. Осы ауыртпалық жүгі  көп балалы тұрмақ қарапайым отбасыларынада оңай емес екенін байқап жүрміз.

Сондықтан, аудандық  «Жастар ресурстық» орталығының белсенді жастары қасиетті ораза айты кезінде осынау қайырымдылық шарасын өткізуді жөндеп санадық. Біздің көрсетіп жатқан жәрдеміміз шамалы болсада септігін тигізе одан асқан қуаныш жоқ» ,- дейді аталмыш орталықтың басшысы Руслан Омаров.

Мешіт Ғазизұлы