Сақтық шаралары қатаң сақталуда

Бала саны аз мектептер дәстүрлі форматта білім беруде

Жер жаһанды жайлаған коронавирус індеті бүкіл әлемді дүрліктірді. Үкімет тарапынан қатерлі кеселдің тұрғындар арасында таралуына жол бермеу мақсатындағы тиісті шаралар дер кезінде қабылданды. Қауіпті індетпен күрес әлі де доғарылар емес.

Жаңа оқу жылының басталғанына да екі аптаға таяп қалды. Оқушылар саны көп мектептер қашықтан оқып жатса, ал бала саны аз мектептер санитарлық сақтық шараларын сақтап, білім беруді әдеттегі режимде бастап кетті.

Қарасу мемлекеттік тілде оқытатын негізгі мектебі де сақтық шараларын сақтай отырып оқушыларға білім беруде.

Айталық, балаларын мектепке алып келген ата-аналар ғимаратқа кірмейді, сыртта қалады. Мектепке кірер кезде баланың қызуы өлшенеді. Одан кейін қолдарын антисептикпен жуып, өндейді. Маска тағу міндетті. Сыныптар желдетіліп, тазартылып отырады. Кабинеттер міндетті түрде залалсыздандырылады.

Жаңабай АХМЕТОВ