Үздіктер қатарында!
«Бүркіт» спорт клубы шәкірттерінің жетістігі
Қостанайда қоян-қолтық ұрыс мектебі мен «Жас Ұлан» Nomad MMA жаттығу уақытында санитарлық-эпидемиологиялық талаптардың сақталуымен Конституция күніне орай «Көңілді старт» жарысы өткізілді. Оған Қойбағар ауылының «Бүркіт» спорт клубының шәкірттері де қатысып, жүлделі орындарға ие болды.
Спорттық шараның мақсаты – салауатты өмір салтын насихаттау, халықты жүйелі түрде спортқа және дене шынықтыруға тарту.
Айталық, өз жас ерекшелігіне сәйкес 400 және 800 метр қашықтыққа жүгіруден Аңсар Жұмабаев, Максим Чайка және Даниал Адылкадыров жеңімпаз атанды. Кермеге тартылудан Аңсар Жұмабаев, Әли Жұмабаев және Вадим Киколенко топ жарды. Орнынан ұзындыққа секіруден Матвей Ченцов, Максим Чайка және Вадим Киколенко үздіктер қатарынан көрінді.
Жалпы есепте 6-7 жастағы жасөспірімдер арасында Аңсар Жұмабаев және 13-15 жастағы жасөспірімдер арасында Артем Цымбаленко чемпион атанды.
Жарыс соңында жеңімпаздар мен жүлдегерлер мадақтама грамотасы және медальдармен марапатталды.
Жаңабай АХМЕТОВ
Сурет интернет желісінен алынды
Много сидишь в социальных сетях? Тогда читай полезные новости в группах "Qostanai.Media" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-701-031-72-31