Ұлы ақын әрі ойшыл Абай Құнанбайұлының 175 жылдығына арналды

Қарасу орта мектебінде ұлы ақын әрі ойшыл Абай Құнанбайұлының 175 жылдығына орай қазақ тілі апталығы болып өтті.

Апталықтың басты мақсаты – оқушыларға Абай Құнанбайұлының шығармаларын кеңінен насихаттау, рұхани мұрасына деген сүйіспеншілікті арттыру және шығармашылық қабілеттерін дамыту.

Апталық жоспары бойынша ашық сабақтар, сынып сағаттары және дәрістер оқылып, пікір алмасулар өткізілді. Өлең оқудан да байқау өтіп, қабырға газеті шығарылды.

Бұдан бөлек, оқушылар Абай Құнанбайұлының әндерін айтып, өлеңдерін оқыды, қара сөздерінің тәлім-тәрбиелік маңызына бойлады.

Оқушылар апталыққа белсенді қатысты. Апталық қазақ тілінің мәртебесін көтереді деп айтсақ қателеспейміз.

Тіл байлығы – әрбір елдің ұлттық мақтанышы. Тіл – халқымыздың қазынасы, сан ғасырлар бойы жүріп өткен жолымыздың шежіресі.

Сондықтан егемендігіміз баянды болсын десек, ұлттық рухымызға өріс тілесек, туған тілімізді көздің қарашығындай сақтауымыз керек.

Жаңабай АХМЕТОВ