Қарасулық жас әнші Аялан Мұқанов марапатқа ие болды
Облыс орталығындағы Жастар сарайында Қостанай облысы әкімдігінің мәдениет басқармасы басшысының шығармашылық зиалы қауым өкілдерімен кездесуі және 2019 жылы халықаралық, республикалық байқауларда жеңімпаз атанған өнерпаздарды марапаттау рәсімі өтті.
Жиын барысында мәдениет пен өнер саласының ардагерлері Қазақстан Республикасы Мәдениет және спорт министрлігінің «Мәдениет саласының үздігі» төсбелгісімен және еңбек қызметіндегі үздік нәтижелері үшін «Еңбек ардагері» медалімен марапатталды. Ал, жас өнерпаздарға Қостанай облысы әкімдігінің мәдениет басқармасы басшысының алғыс хаты және ақшалай сертификаттар табыс етілді.
Марапатқа ие болғандар қатарында жерлесіміз, қарасулық жас әнші Аялан Мұқанов та болды.
Аялан сахнаға шығып, өнерге келгелі бері аудандық, облыстық, республикалық, халықаралық байқаулар мен фестивальдерге қатысып, жүлделі орындарға ие болып жүр. Жас та болса, оның өнерге деген талпынысы мен сүйіспеншілігіне қайран қаласың! Әлі талай додаларда биік белестерден көрініп, ауданымыздың мерейін үстем етеріне сенімдіміз.
Жаңабай АХМЕТОВ
Много сидишь в социальных сетях? Тогда читай полезные новости в группах "Qostanai.Media" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-701-031-72-31