Қарасу балалар кітапханасында Тәуелсіздік күніне арналған іс-шара

Қарасу балалар кітапханасында Тәуелсіздік күні мерекесіне орай «Менің тәуелсіз Елім» тақырыбында интеллектуалдық турнир болып өтті. Оған Қарасу орта мектебінің 9-сынып оқушылары қатысты.

Шараның басты мақсаты – ата-бабаларымыз аңсаған тәуелсіздігіміздің мазмұнының тереңінен сыр шерту және тәуелсіздіктің қадір-қасиетін түсіндіру.

Турнир жоғары деңгейде өтті. Оқушылар өз ойларын ортаға салып, білімдерін толықтырды. Сөйтіп, турнирге қатысқан оқушылар ішінен Қайрат Майленов жеңімпаз атанды. Екінші орынды Мадина Қазиева иеленсе, Дулат Макишев жүлделі үшінші орынды еншіледі.

Тәуелсіздік – бүгінгі біздің теңдесі жоқ байлығымыз. Біз бүгінгі күнге дейінгі барлық жетістіктерімізге тәуелсіздігіміздің арқасында қол жеткізіп отырмыз. Қазақстан қарқынды дамып келе жатқан елдердің қатарында. Ішкі тұрақтылық, діндер арасындағы береке – бірлік, халықтың әлеуметтік жағдайының түзелуі – Тәуелсіздіктің жемісі.

Жаңабай АХМЕТОВ